Përgjigje direkte – pa rrugë të gjata
28 pyetjet që na i bëjnë klientët më shpesh: çmimi, rrjedha, pagesa, garancia, dërgesa për diasporën, materialet dhe pajisjet. Shkurt dhe konkret. Aty ku na duhen të dhëna nga ti, shkruan saktë çka të dërgosh.
Çmimi
Sa kushton një kuzhinë me porosi?
Për metër linear, në tri paketa: Paketa 1 · 500 € (Iveral 18 mm «Ivo», brendia Cotton, mekanizma KAV), Paketa 2 · 600 € (pllakë kompakte, brendi antibakterial, arkitekturë kuzhine), Paketa 3 · 900 € (pllakë kompakte, gravurë, dizajne ekskluzive, Blum, 1 kosh mbeturinash, 1 shirit LED, 1 element xhami deri te muri). Gjithmonë 2 sirtarë të përfshirë. Te kuzhina L ose U, metrat linearë janë shuma e mureve (p.sh. 1.60 + 5.00 + 1.60 = 8.20 m). Të gjitha çmimet →
Çka nuk është në paketa?
Pajisjet elektrike (porositen veçmas te pajisjet), graniti ose mermeri. Te paketat 1 dhe 2 paguhen veçmas: shirit LED deri te muri 120 €, derë xhami e vogël 40 €, e madhe 60 €; mekanizmat Blum janë pozicion i veçantë me çmim me kërkesë. Secila shtesë është rresht më vete në ofertë.
Sa kushton një kuzhinë e drejtë 2,4 m?
Pa pajisje: Paketa 1 rreth 1.200 € (2,4 m × 500 €), Paketa 2 rreth 1.440 €, Paketa 3 rreth 2.160 €. Pajisjet elektrike shtohen veçmas – shih pajisjet.
Sa kushton një kuzhinë L 2 m + 3 m?
Metrat linearë = shuma e mureve: 2 m + 3 m = 5 m. Pa pajisje: Paketa 1 rreth 2.500 €, Paketa 2 rreth 3.000 €, Paketa 3 rreth 4.500 €. Pajisjet elektrike veçmas.
Sa kushton një kuzhinë U?
Varet nga tri muret: p.sh. 2 m + 3 m + 2 m = 7 m → Paketa 1 rreth 3.500 €, Paketa 2 rreth 4.200 €, Paketa 3 rreth 6.300 € pa pajisje. Na dërgo foton, gjatësinë e tre mureve (A/B/C) dhe lartësinë e tavanit – shih listën – dhe brenda 48 orëve e merr foton me çmim orientues ±.
A është plani falas?
Po. Foto me çmim orientues ± është falas dhe pa detyrim. Oferta e saktë dhe plani 3D në PDF bëhen vetëm kur je i interesuar konkretisht. Projekti i detajuar me vizitë kushton 150 € – falas nëse kuzhinën e porosit te MobiljeTipp.
Rrjedha
Çka ndodh pasi dërgoj kërkesën?
Brenda 48 orëve të dërgojmë një foto të mobilies tënde me çmim orientues ± (shqip ose gjermanisht). Vetëm nëse të pëlqen, e përgatisim ofertën e saktë dhe planin 3D në PDF në linkun tënd dhe caktojmë matjen në terren.
Kush e bën matjen në vend?
Partneri i verifikuar, para prodhimit – e hënë deri e shtunë, 09:00–18:00, në termine prej 2 orësh dhe 48 orë paraprakisht. Projekti i detajuar me vizitë kushton 150 € – falas nëse kuzhinën e porosit te MobiljeTipp. Për foton me çmim mjaftojnë masat e tua: muret A/B/C dhe tavani (shih listën) – ose skicoje kuzhinën në telefon.
Si e shoh ofertën dhe si e nënshkruaj?
E merr një link në WhatsApp. Aty e sheh ofertën me pamje 3D dhe PDF – pa llogari, në telefon ose laptop. Nëse mungon diçka, shkruan koment direkt në link; nëse krejt është në rregull, nënshkruan me gisht. Nënshkrimi ruhet me datë dhe nga ai moment fillon afati.
Kur fillon afati i dërgesës?
Nga nënshkrimi yt digjital i ofertës, pas matjes në vend. Nga ai moment: 3 javë në gjithë Kosovën, 4–6 javë për Zvicër, Gjermani dhe Evropë.
Si bëhet pranimi i punës?
Pas montimit e kontrollon kuzhinën bashkë me ekipin e partnerit sipas planit 3D: dyert, sirtarët, pllaka, pajisjet. Fotot e montimit ruhen te oferta jote – ashtu të dy e kemi të dokumentuar çka është dorëzuar.
A mund ta ndryshoj planin pas ofertës?
Po, deri te nënshkrimi – çdo ndryshim përditësohet në ofertë me çmim të ri. Pas nënshkrimit fillon prodhimi, dhe ndryshimet janë të mundshme vetëm me marrëveshje me partnerin.
Pagesa
Sa është paradhënia?
Zakonisht 30–50 % e vlerës së ofertës, te partneri, pas nënshkrimit. Pjesa tjetër pas montimit dhe pranimit. Shuma e saktë shënohet në ofertë.
Kujt i paguaj?
Partnerit të verifikuar që e prodhon kuzhinën – ai e lëshon faturën me NUI dhe numër fiskal. MobiljeTipp nuk merr asnjë pagesë nga ti.
A mund të paguaj nga Zvicra ose Gjermania?
Po, me transfer bankar në IBAN-in e partnerit (në euro) ose në dorë në Kosovë nga një i afërm. Mënyra e pagesës shënohet në ofertë.
Garancia
A ka garanci dhe kush e jep?
Po: 2 vjet garanci në punimin e kuzhinës dhe të mobilieve. Për të gjitha produktet e integruara – pajisjet elektrike, mekanizmat dhe pllakat e punës – vlen garancia e prodhuesit. Prodhuesit tanë janë të verifikuar nga MobiljeTipp; garancia shënohet me shkrim në ofertë.
Çka bëj nëse diçka nuk është në rregull pas montimit?
Na shkruaj në WhatsApp me një foto dhe numrin e ofertës. MobiljeTipp e ndjek rastin me partnerin deri sa të rregullohet – ti ke një kontakt, jo dy.
Diaspora
Jetoj jashtë – si bëhet planifikimi?
Me telefon ose Google Meet, shqip ose gjermanisht. Na dërgo masat A/B/C, lartësinë e tavanit dhe foto të hapësirës (shih listën ose skica në telefon) – brenda 48 orëve e merr foton me çmim orientues ±; kur je i interesuar vijnë oferta dhe plani 3D si PDF.
A dërgoni në Zvicër dhe Gjermani?
Po: 4–6 javë nga nënshkrimi, me transport të organizuar nga partneri. Dogana dhe transporti shënohen si rresht më vete në ofertë.
Kush e mat dhe kush e monton jashtë Kosovës?
Rregullohet në ofertë: ose ekipi i partnerit udhëton për matje dhe montim, ose ti na dërgon masat sipas listës dhe montimi bëhet në vend nga ekipi i partnerit ose një montues lokal. Kostoja është e shënuar në ofertë.
A mund ta montoj një i afërm në Kosovë kur unë s'jam aty?
Po. Shëno në kërkesë emrin dhe numrin e personit që e hap shtëpinë dhe e pranon punën. Fotot e montimit i merr ti në linkun e ofertës.
Materialet
Çka është MDF Evogloss?
Pllakë MDF me shtresë të lëmuar (PVC/akrilik) në shkëlqim ose mat, pa buzë të dukshme – fronti standard në çmimin bazë. I qëndrueshëm ndaj lagështisë dhe lehtë për pastrim.
Çka është pllaka Kompakt?
Pllakë e ngjeshur HPL 12 mm, e hollë dhe shumë e fortë, nuk thith ujë dhe nuk fryhet. Është e përfshirë te Paketa 2 dhe Paketa 3; Paketa 1 punon me Iveral 18 mm «Ivo». Graniti dhe mermeri janë shtesë dhe shënohen veçmas në ofertë.
Çka do të thotë drejtimi i damarëve (nervaturës)?
Te frontet me pamje druri damarët shkojnë vertikalisht ose horizontalisht. Zgjedhja bëhet në planin 3D dhe shënohet në ofertë – pas prodhimit nuk ndryshohet.
KAV apo Blum – çka është dallimi?
Të dy janë mekanizma (mentesha dhe sirtarë) me mbyllje të butë. KAV është standardi te Paketa 1 dhe 2; Blum (Austri) është i përfshirë te Paketa 3. Te paketat 1 dhe 2, Blum është pozicion i veçantë me çmim me kërkesë.
Pajisjet
Cilat marka të pajisjeve ofroni?
Tri klasa: Beko dhe Gorenje (bazë), Electrolux (mesme), Bosch (e lartë). Të gjitha me normë EU dhe garanci zyrtare të prodhuesit. Nëse i ke pajisjet, na dërgo markën dhe modelin – i planifikojmë.
Kush i monton pajisjet?
Ekipi i partnerit i monton furrën, pllakën, aspiratorin, frigoriferin dhe lavastoviljen. Lidhjen e rrymës 380 V dhe të gazit e bën elektricisti/instaluesi yt – na thuaj paraprakisht a ka 380 V dhe gaz (shih listën).
Të dhënat
Kush e sheh numrin tim të telefonit?
Vetëm MobiljeTipp dhe partneri i verifikuar që e merr porosinë tënde. Nuk ia japim askujt tjetër dhe nuk e përdorim për reklamë.
Çka ndodh me fotot dhe masat që i dërgoj?
Përdoren vetëm për planin 3D dhe ofertën tënde dhe ruhen te kërkesa jote. Mund të kërkosh fshirjen në çdo kohë në info@mobiljetipp.com – shih Privatësia Impressum.
Pyetja jote s'ishte këtu?
Na shkruaj në WhatsApp – përgjigjemi shqip ose gjermanisht. Ose kërko direkt një ofertë falas.